from Mutabaruka's CD 'Blakk wi blak..k..k..'
(the lyrics are included in the booklet, but thouse who don't have the
CD may now read the them here...).



'JUNK FOOD'

rememba de cold suppa shop
dat u use fe step at
u coulda eat any ting
it was like u granny cookin
corn dumplin and ackee
from big fat matte
stew peas and rice
use fi really taste nice
now a ice cream stand
teckin ova de lan.
junk food fullin up de place
dis is a nada disgrace
junk food fullin up de place
a now good food a guh guh to waste

strawberry ice cream
rasberry ice cream
dem a bury wi
u nuh si
ice cream ice cream
hot dog ice cream
liven de american dream

[repeat:]
junk food..... guh to waste
you know that sweet will rot u teeth
but is only ice cream u a guh get fi eat
jucks pon corna a teck in de scene
puffing up u belly wid ice cream
de scene get mean

run u mus
but u belly might buss
gun shot clap
one u fren drop
flex out time
flex out time
leavin u ice cream behin

[repeat:]
junk food.....guh to waste

fallin fashin is de order of de day
caw get nuh food dat is wa dem say
miss matte shop afi move.
granny cookin out a groove
de disc jokey say
announcin de openin of a ice cream stan
in de parish of st ann
nex month is westmorelan
an anadda one in clarendon
watch out portland

strawberry ice cream
rasberry ice cream
dem a bury wi
u nuh si
ice cream ice cream
hot dog ice cream
liven de american dream



Greetings,
Felix
-- 
Felix Rauch, CS-Student @ ETH Zurich, Switzerland.
internet: felix@nice.ch	(NeXT Mail and MIME welcome)